跳至主要內容
價勢堂
秋冬裝又來啦! 20/3/2017

3月份,又見到一D著名時裝公司推心今年女士秋冬裝,對於信奉裙腳理論o既投資者而言,唔多唔少都有D啟發作用,有助點樣部署今年o既投資大計。

 

美國股市o既道指創出21,000點歷史高峰後,繼續o係高位反覆,大家都會想問一句「後市如何」?

 

劉晨唔識術數,又無水晶球,點答你啫!而且美股已經突破歷史高位,搞到投資者心大心細好正常,若果有人出來提示一下,亦有多少參考作用,好過盲摸摸!

 

最新見到o既今年秋冬裝,色彩比較沉實,以深色為主,好在裙腳唔算長,有D仲不及膝,唔多唔少都有D年啟發作用。若果色水深沉,裙腳又拖到落地,咁就有少少該煨啦,事關根據裙腳理論,意味住未來o既股市多數係good morning sir!幸好今年o既秋冬裝裙腳唔長,股市應該衰晒有限,雖然美國加息,相信加極有個譜,股市同樓市應該衰唔晒!

 

不過都要睇多幾間時裝公司o既產品做參考,唔好咁快信晒一間!有曰:

秋冬新裝又到來,

睇下今年點剪裁,

顏色深沉未拖地,

唔使嚇到面口呆,

更有短至不及膝,

股市尚算有將來,

若然裙腳拖晒地,

出動起重機來抬!

 

相關標籤
私人住宅           樓價          投資者          股市                             

劉晨
我叫劉晨,唔係樓神,
只想大家買賣物業時留神,
以免頭痕。