跳至主要內容
價勢堂
輪到美股狂插 6/12/2018

美國聯邦儲備局主席鮑威爾日前對美國加息放軟口氣,令到近期下跌o既美股單日轉向上升。點知本週二o係中美貿戰停火消息消化後,道指又狂插799點,睇落美股見熊o既機會越來越大。

 

貿易戰暫告停火,美股週一彈一彈又變彈散,道指高達二三十倍市盈率確實令人好唔安心。而且肯用孖展買股票o既股民人數同金額都好似大縮水,即係承接力有限,有乜風吹草動就又搵對腳來投票,美股又再撻過。

 

仲有好多基金見到美國科技股咁o既業績,唔單止將評級下降,仲用走貨做實際行動,美股幾難唔跌。美股跌,港股都應該跌喎,講就係,家下港股跌到只得十倍市盈率,早就反映晒,應該唔受美股下跌太大影響,事關再無幾多可以跌。

 

美股日後重挫對港樓會否有影響,心理上實有,不過本港唔少業主唔單止供甩樓,仲好多有大量資金,守得到o既,樓市未使太肴底!

 

相關標籤
私人住宅           樓價          股市          業主          中國          美國                              香港          鮑威爾         

劉晨
我叫劉晨,唔係樓神,
只想大家買賣物業時留神,
以免頭痕。