跳至主要內容
價勢堂
買樓o既優點 8/2/2019

雖然好多投資工具各有缺點,但是,好似住屋物業係值得長線持有,事關買樓除o左可以作為投資之外,最緊要係能夠應付到人類o既居住需要,好使好用。

 

每個人都要有瓦遮頭,唔買樓都要租樓,否則要踎街。其實踎街瞓天橋底都唔容易,好容易被「公仔佬」騷擾你,都唔易搞。

 

退而求其次唔買樓去租樓住,係好多人解決住屋o既辦法之一,弊在要畀足一世租,之後乜都無,無租交住足五十年私樓亦會畀業主趕你出門口。所以長久計,買樓好過租樓。

 

好多人狂鬧買樓做樓奴,樓奴就樓奴啦,都有甩身之日,二三十年之後都可以供甩間樓,之後間樓業權屬於你o既,你就有百分百控制權,以後連供樓都慳番。點都好過租一世樓。

 

覺得咁樣都唔o岩數,自己諗掂佢,香港係自由社會,無人強逼得到你點選擇。

 

 

相關標籤
私人住宅           租金          供樓          買樓          租樓          香港         

劉晨
我叫劉晨,唔係樓神,
只想大家買賣物業時留神,
以免頭痕。