跳至主要內容
價勢堂
自製公屋長龍 14/3/2019

現時香港政府公屋輪候冊逼近27萬個,上樓需時5.5年,人龍已經長到搵唔到龍尾。政府竟然想準備將申請公屋入息及資產限額提高,咁條申請人龍只會越來越長,變成政府自己玩自己。

 

申請公屋人龍已經長得好緊要,同政府以前所定落o既目標3年相差越來越遠,好多申請者已經鬼殺咁嘈,有D人真係等到移民天堂都未等到有公屋住,咁點先?

 

以前3年上樓目標,點知條人龍越加越長,輪候時間就係咁加上去,家陣已經去到5.5年。若果真係再提高申請入息同資產,好容易突破6年大關。後果係點,梗係政府畀人鬧到反轉晒。

 

放寬申請雖然係反映社會現實,但是,人龍已經長達5.5年,再搵多D人排隊只會造成民怨加劇,無形中官員自己玩自己。香港房屋政策已經亂晒龍,再放寬申請限制如同捉蟲,劉晨確係唔曉講,等你班官自己慢慢玩。

相關標籤
公屋          香港          政府         

劉晨
我叫劉晨,唔係樓神,
只想大家買賣物業時留神,
以免頭痕。