跳至主要內容
價勢堂
又o黎料 11/7/2019

美國總統特朗普的而且確係一個無得估o既人,天天新款,日日不同,完全估佢唔到。幸好劉晨仲對佢有懷疑態度,唔會信得佢晒。佢同中國領導人傾o左貿易談判約十日,又再出招,唔得佢死。不過準置業人士要買樓就買樓,以免今世都買唔到樓。

 

美國商務部宣佈,將對部份來自中國及墨西哥o既鋼鐵製品,徵收反補貼關稅。美國商務部今年2月接獲美國業界投訴後就展開調查,認為從中國同墨西哥進口o既預製結構鋼,受惠於兩國30.3%177.43%o既稅率補助,故採取加徵關稅措施。

 

美國一波未停一波又o黎,你都估唔到佢玩法。特朗普o既突擊,分分鐘會出擊。若果你想買樓,想話等到風平浪靜無晒事先至郁手,可能今世都唔使買樓,事關特朗普唔會有一日安靜畀大家。

 

o既情形,要買樓計掂自己o既財力,最好預鬆多少,以備不時之衰。咁樣,防守能力更強,打得到持久戰,唔使驚兩o野就兵臨城下。以現時租金走勢咁威猛,租樓可避得一時,避唔到一世,都係買樓好!

 

相關標籤
私人住宅           租金          樓價          買樓          租樓          特朗普                              香港          經濟         

劉晨
我叫劉晨,唔係樓神,
只想大家買賣物業時留神,
以免頭痕。