跳至主要內容
價勢堂
喜瑪拉雅山凍死骨 14/8/2019

地球氣溫變暖,越來越多冰雪融化,連帶喜馬拉雅冰川都溶冰,歷年o係喜馬拉雅山登山時遇險o既人士屍體亦陸續體暴露。預料喜馬拉雅冰川2100年預料融化三分之二,發現屍體數目將會增加。

 

劉晨唔主張成功登上喜馬拉雅山者安全返回地面後,到處宣揚登山點樣意志激昂點樣刺激,能夠成功登山,幸運因素唔少,並唔代表每個成功登山o既都好功夫。反對原因係太危險,很容易山中喪命,仲長埋雪地。

 

截至去年底已有288人死於攀登聖母峰路上。攀登喜馬拉雅山峰,好多人無辜送命,而且山峰長年積雪,想將屍體搬落山都十分困難同昂貴,令喪命登山客長期冰封,死得極度淒涼。

 

冰雪加快融化,喜馬拉雅山一帶山峰眾多,長年埋葬遇難登山者為數甚多,並且會因融冰而令屍體暴露繼而腐爛,令附近環境變差,甚至可能引發疫症。

 

登山係個人行為,自己玩就算。事關鼓吹會吸引到來o既後來者勇往直前,可能佢地係家中經濟支柱,一旦遇難,有時音訊全無,後果係全家人陷入困境,慎思!有D家庭收入全靠佢,佢失蹤,全家衣食住行大失預算,求救無門。

 

家陣香港o既生活唔容易,無o左個家庭支柱,淨係愁交租都夠佢地愁,加上其他開支更加唔識得講。

 

你要登山,自己上去得啦,咪叫人地仿效,每個家庭成份都唔同,佢地隨時手停口停。

 

 

 

 

相關標籤
租金          租樓          香港          經濟         

劉晨
我叫劉晨,唔係樓神,
只想大家買賣物業時留神,
以免頭痕。