跳至主要內容
價勢堂
公屋又見樓王 12/7/2019

本港樓市過o6月份,去到7月好似想發力衝刺,家陣乜樓都有成交,雖然未至於oo彭聲,但是,買家睇落積極o左。最近新界北區又見樓王現身,咪當開玩笑。

 

雖然近期金融市場相當波動,不過美國無你咁好氣,三大股市指數齊創新高,借住美國聯邦儲備局主席鮑威爾指出,為o左支持經濟可能會有刺激經濟行動,美股咁就推o左上去破晒頂。話之你講睇淡蘋果公司盈利前景,照炒高美股,事關全世界都當鮑威爾暗示即將減息。

 

美股全線威威,港股受制於貿易戰靜雞雞,成交好細哎,無美股咁叻仔,有排都未破得到頂。咁都無法個喎,鬼叫港股係外國投資者,美國佬玩o野,外資大行全部蹺埋對手,連30,000點都可望不可即。

 

港樓就唔同,事關唔投資都要搵樓住,唔理你乜o野階層都要有瓦遮頭,打得都頂唔到日日日晒雨淋,一要搵屋住,唔供樓都要租樓。需求咁大,公屋出現樓王,又算得乜o野出奇!

 

劉晨就無本事,死死地氣都要畀錢,你咪理係供樓定租樓,始終要磅水!

 

相關標籤
私人住宅           公屋          樓價          成交          股市          歷史新高          美國                    香港          股票         

劉晨
我叫劉晨,唔係樓神,
只想大家買賣物業時留神,
以免頭痕。