跳至主要內容
價勢堂
十年經濟果然未好過 10/10/2019

打從2008年世界金融海嘯後,劉晨有一個想法,卻得唔到證實,到底呢十年來世界經濟有無好過?若果睇各地經濟增長、股市同樓市,好似無乜問題。但是,一扣除匯率同通脹,就發覺好有問題。

 

終於世界經濟論壇日前畀到個答案我地,佢地話,雖然各國央行於過去十年已向市場注入超過10萬億美元資金,大多數經濟體o既生產力增長仲係停滯不前。反映政府同央行動用貨幣政策,刺激經濟增長能力下降。

 

呢十年來,香港o既通脹唔算低,不過有好多主要國家通脹似有若無,美國通脹谷極都唔起,歐盟就更加弱過煲,日本又係。而且各國o既貨幣大部份跌多過升,美國、歐盟出量化寬鬆,實體經濟彈力都係有限度,湧出來o既資金就入晒樓市同股市,離唔開一個炒字。

 

再諗深一層,又唔好話量寬無用,若果無o既話,會唔會死多幾錢重,仲弊傢伙?

 

 

相關標籤
整體樓市          股市          量化寬鬆          全球經濟          美國          歐州          日本                              香港         

劉晨
我叫劉晨,唔係樓神,
只想大家買賣物業時留神,
以免頭痕。