過山車好多人都玩過，不過唔係個個人都受得起呢D刺激。有人鑑粗去玩，結果就係被fing到先嘔泡後反肚收場。

股市玩過山車，唔係個個人都適合玩，恆生指數若果一日上落一兩千點，好多人都頂唔順，唯有閃！

樓市就更加唔適合玩過山車，事關同好多港人o既身家有關，若果太多大上大落，賺就當然笑騎騎，蝕o既就可以變成負資產，一D都唔好玩。

呢兩年，樓市都升o左唔少，已經有仇富現象，再大升可能引起民憤，大跌亦會引發負資產問題。暫時最好係企定定，唔好再大上大落，咁樣比較容易相安無事，否則好容易又會引來非議。為免港府辣手摧樓，樓市定住最好，將來點，睇經濟環境啦！有曰：

樓市不合過山車，

否則弊過食嗎啡，

下跌實會畀人鬧，

再升政府話誅邪！