劉晨-價勢堂
劉晨
我叫劉晨,唔係樓神,
只想大家買賣物業時留神,
以免頭痕。
價勢堂

寻求生机 客机改货机

30/06/2020
Aa

航空公司受到新型肺炎打击,到家阵仲系面对好多地方封关锁国,全靠货运生意顶住一下,吊紧盐水。所以有D航空公司将客机改装成货机,企图靠货运收入撑场,用时间换取空间,找寻生机。

 

实际上,货运生意都因为全球贸易停滞不前,生意都差o左好多,只不过有医疗药品增加先至叫做无咁惨。若果大量航空公司将客机转做货机,亦好快会出现机位过剩问题,又会引发减价战抢货。

 

o左客运生意,航空公司变成独脚乌鸦搵食难,仲系要捱世界都系咁,几咁死局。全球各国政府亦希望尽快开放客运往来,弊在新型肺炎系有传染性o既死亡威胁,恢复客运可能造成第二波、第三波疫情,十分难搞。

 

航空公司成为疫情重灾区行业,除了放无薪假期之外,有D仲解雇职员,唔少航空运输从业员已经乾塘无力再守,真系好惨情。不过航空公司无乜收入之下依然全数支薪,自己都好快唔掂。各国政府已经做o左好多o野,包括派钱,虽然唔够交租供楼,都算好过无。唔系每一个政府都有钱,穷到无钱派o既政府真系唔知点算!

award_hk_premier_brand
award_tb2017_platinum
award_15yrs_caring_co
中原地产代理有限公司 牌照号码 C-000227
本网页所提供资料仅作参考用途。若因错漏而引致任何不便或损失,中原网页及中原地产概不负责。
使用条款 私隐政策声明 © 2020 中原地产代理有限公司 版权所有

本网站采用无障碍网页设计,任何问题均可查询: info@centamail.com

联络我们
按揭计算机